LAZPIUR: Eustetik, berriz asmatzera.

Atzo, 2015eko urtarrilaren 26a, Miguel Lazpiur-en eta Maite Gallastegi-ren konpainiaz gozatzeko aukera izan genuen.

XX. Mendearen hasieran (lehen egiaztatze ofiziala 1914ko da), aitonak sortutako oinetako lantegirekin hasi zen Lazpiur-en ibilbidea. Ondoren, aitak iltzeak produzitzen jarraitu zuen eta gaur egun, Lazpiur-en egoera “berritzailea” da.

Bizi izan dituzten krisiez hitz egin ziguten. Krisia hamar urtean behin ematen omen da, eta  Lazpiur osatzen duten pertsonek aurre egin die izan diren krisiei eta zailtasunei.

Enpresa egiteko edo izateko modu ezberdin bat erakutsi ziguten. Gardentasunetik, parte hartzetik eta konpromezutik hasten den enpresa. Eta guzti hau beti ere oinarrizkoak diren hiru baloretan oinarrituta: ilusioa, konpromezua eta ondo egindako lana maitatzea.

Bi orduz erakutsi ziguten, enpresak ondasun sortzaileak direla eta honek duen garrantzia gizartearen eta pertsonen garapenerako.

Aurrez aurre haiek bizi izandako esperientzia guztia eta gogoetak entzutea benetako plazerra izan zen, eta gure hausnarketetarako, abiapuntua.

Pages